Ushbu sud jarayonlari Komissiya aʼzolari tomonidan to‘liq kuzatib borildi.

Qoraqalpog‘iston Respublikasida yuz bergan holat va voqealarni o‘rganish bo‘yicha komissiya aʼzolari sud raisidan ayblanuvchilarga jazo tayinlashda insonparvarlik tamoyillari asosida, ularning sodir etgan qilmishlaridan chin ko‘ngildan pushaymon ekanligi, o‘ziga to‘g‘ri xulosa chiqargani, qaramog‘ida voyaga yetmagan farzandlari borligi, oilaviy sharoiti va ijtimoiy holatini eʼtiborga olib adolat mezonlariga muvofiq jazo tayinlanishini so‘radi.

Inson xato qiluvchidir. Asosiysi uni vaqtida anglab yetishi va xatolar to‘g‘irlanishidir. Shu yurtda yashayotgan har bir inson borki, insonparvarlikka, odillik va adolatga suyanishga va ishonishga xaqlidir!

Mustaqil komissiya so‘ngi yillarda sud tizimida amalga oshirilayotgan ijobiy o‘zagrishlarga tayangan holda ayblanuvchilarga nisbatan adolatli va odil qaror qabul qilinishiga ishonadi.

 Oliy Majlisning Inson huquqlari bo‘yicha vakili (ombudsman) Axborot xizmati