2022 yil yanvar oyida tashkil topgan Qo‘rg‘ontepa tumani IIB vaqtincha saqlash hibsxonasi 20 o‘ringa mo‘ljallangan

Vaqtincha saqlash hibsxonasi Respublika IIV hamda viloyat IIB PPXva JXX huzuridagi situatsion markaz bilan to‘g‘ridan-to‘g‘ri onlayn tartibda aloqa o‘rnatilgan.

Monitoring o‘tkazilgan kunda vaqtincha saqlash hibsxonasida 1 nafar  shaxs saqlnayotganligi aniqlandi. U bilan suhbatlashilganda hibsxonadagi sharoitlardan va oziq-ovqat taʼminotidan shikoyatlari yo‘qligi, ularga nisbatan noqonuniy harakatlar yoki qiynoqlar bo‘lmaganligini bildirdi.

Tergov harakatlarini o‘tkazish uchun mo‘ljallangan xonalar ko‘zdan kechirilganda ularning videokuzatuv vositalari bilan jihozlangani va advokatlar istalgan vaqtda advokatlik so‘rovnomasi bilan tergov jarayonlarida tasvirga olingan videomateriallarni talab qilib olishi mumkinligi aytildi.

Hibsxonadagi  advokat bilan uchrashuv xonalari kameradan holi bo‘lib, advokatlar bugungi kunda muassasada saqlanayotganlar bilan moneliksiz uchrashayotganligi aniqlandi.

Muassasada tibbiy yordam ko‘rsatish uchun kerakli dori-darmonlar mavjudligi aniqlandi. Hibsxonada saqlanayotganlar uchun yuvinish xonalari mavjud.

Shuningdek, gumonlanuvchilarni toza havoda aylanishi uchun maxsus saylgoh tashkil qilingan.

Oliy Majlisning Inson huquqlari bo‘yicha vakili (ombudsman) Axborot xizmati