Murojaat Qoraqalpog‘iston Respublikasi mintaqaviy vakili tomonidan nazoratga olinib, o‘rganish uchun tegishli organga yuborildi.

O‘rganish natijasiga ko‘ra, haqiqatdan ham ushbu jamiyatning bir guruh mansabdor shaxslari mansab mavqeidan foydalanib, xodimlarning jamiyatda ishlamagan davrini ishlagan deb soxta maʼlumotlar tayyorlashgani va jami 182,9 mln so‘mlik jamiyat mablag‘larini o‘zlashtirish va rastrata yo‘li bilan talon-taroj qilishgani aniqlangan.

Holat yuzasidan Iqtisodiy jinoyatlarga qarshi kurashish Departamentining Nukus shahar bo‘limi tomonidan jamiyat mansabdor shaxslariga nisbatan JKning 167-moddasi, 2-qismi «b,v,g» bandi va 209-moddasi 1-qismi bilan jinoyat ishi qo‘zg‘atilgan.

Oliy Majlisning Inson huquqlari bo‘yicha vakili (ombudsman) Axborot xizmati