Qayd etish lozimki, Ombudsman instituti 1995 yilda MDH davlatlari orasidan O‘zbekistonda birinchilardan bo‘lib joriy etilgan. Mazkur institut hozirda Xalqaro Ombudsman instituti, Yevropa Ombudsmanlari instituti, Osiyo Ombudsmanlari Assotsiatsiyasi, Turkiy tilli davlatlar Ombudsmanlari hamda Inson huquqlari bo‘yicha milliy institutlar Assotsiatsiyasi va Yevroosiyo Ombudsmanlari Alyansi kabi xalqaro tashkilotlarning to‘la qonli aʼzosi hisoblanadi.