Ушбу мурожаат назоратга олиниб, ўрганиш учун Олий Мажлисининг Инсон ҳуқуқлари бўйича вакилининг (омбудсманнинг) Самарқанд вилоятидаги минтақавий вакилига юборилган.

Ушбу мурожаат Омбудсманнинг минтақавий вакили, Қўшработ туман ҳокимлиги ва “SOS Ўзбекистон  Болалар маҳаллалари” Уюшмасининг  Самарқанд  шаҳридаги филиали билан ҳамкорликда ўрганилди. Мурожаатчи Х.Н. билан Каттақўрғон шаҳридаги 7-сонли тергов ҳибсхонасида учрашиб мурожаатдаги важлари ўрганиб чиқилди.

Мурожаатчи Х.Н.нинг отаси Д.А.ни болаларга васий этиб тайинлаш учун унинг оилавий шароитлари ўрганилди. аниқланишича, Д.А.нинг 2-турмуш ўртоғидан 3 нафар вояга етмаган фарзандлари бор ва улар отасининг қарамоғида. Бундан ташқари, мурожаатчи Х.Н.нинг яна 3 нафар фарзандининг кунлик эҳтиёжлари учун уйда моддий шароитлар мавжуд эмас.

Юқоридагиларни инобатга олиниб, Мурожаатчи Х.Н.нинг 3 нафар фарзандлари Қўшработ туман ҳокимлиги ҳамкорлигида “SOS Ўзбекистон  Болалар маҳаллалари” Уюшмасининг Самарқанд шаҳридаги филиалига жойлаштирилди.

Мурожаатчи Х.Н.га 3 нафар фарзанди “SOS Ўзбекистон  Болалар маҳаллалари” Уюшмасининг Самарқанд шаҳридаги филиалига жойлаштирилганлиги, у ернинг яшаш шароилари яхши эканлиги, фарзандлари ёзги лагер ва боғчага бораётганлиги тўғрисида маълумотлар берилди. Фарзандлари давлат ҳимоясига олингани ва уларга яхши шароитлар яратилганини билган фуқаро мурожаати ижобий ҳал этилгани учун тегишли ташкилотларга миннатдорчилик билдирди.

Олий Мажлиснинг Инсон ҳуқуқлари бўйича вакили (Омбудсман) Ахборот хизмати