Ushbu murojaat nazoratga olinib, o‘rganish uchun Oliy Majlisining Inson huquqlari bo‘yicha vakilining (ombudsmanning) Samarqand viloyatidagi mintaqaviy vakiliga yuborilgan.

Ushbu murojaat Ombudsmanning mintaqaviy vakili, Qo‘shrabot tuman hokimligi va “SOS O‘zbekiston  Bolalar mahallalari” Uyushmasining  Samarqand  shahridagi filiali bilan hamkorlikda o‘rganildi. Murojaatchi X.N. bilan Kattaqo‘rg‘on shahridagi 7-sonli tergov hibsxonasida uchrashib murojaatdagi vajlari o‘rganib chiqildi.

Murojaatchi X.N.ning otasi D.A.ni bolalarga vasiy etib tayinlash uchun uning oilaviy sharoitlari o‘rganildi. aniqlanishicha, D.A.ning 2-turmush o‘rtog‘idan 3 nafar voyaga yetmagan farzandlari bor va ular otasining qaramog‘ida. Bundan tashqari, murojaatchi X.N.ning yana 3 nafar farzandining kunlik ehtiyojlari uchun uyda moddiy sharoitlar mavjud emas.

Yuqoridagilarni inobatga olinib, Murojaatchi X.N.ning 3 nafar farzandlari Qo‘shrabot tuman hokimligi hamkorligida “SOS O‘zbekiston  Bolalar mahallalari” Uyushmasining Samarqand shahridagi filialiga joylashtirildi.

Murojaatchi X.N.ga 3 nafar farzandi “SOS O‘zbekiston  Bolalar mahallalari” Uyushmasining Samarqand shahridagi filialiga joylashtirilganligi, u yerning yashash sharoilari yaxshi ekanligi, farzandlari yozgi lager va bog‘chaga borayotganligi to‘g‘risida maʼlumotlar berildi. Farzandlari davlat himoyasiga olingani va ularga yaxshi sharoitlar yaratilganini bilgan fuqaro murojaati ijobiy hal etilgani uchun tegishli tashkilotlarga minnatdorchilik bildirdi.

Oliy Majlisning Inson huquqlari bo‘yicha vakili (Ombudsman) Axborot xizmati