Маълумки, Президентимиз Шавкат Мирзиёевнинг таклифига биноан жорий йилда ўтказиладиган референдум илк маротаба “Ўзбекистон Республикасининг референдуми тўғрисида”ги қонунига киритилган янги қоидалар асосида ўтказилади. Шу нуқтаи назардан ушбу муҳим сиёсий тадбирни қонунчилик, умумэътироф этилган тамойиллар, халқаро стандартлар асосида юқори савияда, уюшқоқлик билан ташкил этишда Референдум ўтказувчи комиссия аъзоларининг ҳамда унинг иштирокчиларининг малакасини ошириш муҳим аҳамиятга эга.

Семинарда Референдум тайинлаш ҳуқуқи, унда иштирок этиш ва ўтказишнинг асосий принциплари ҳақида иштирокчиларга батафсил маълумот берилди.

Шунингдек Марказий сайлов комиссия қарори билан тасдиқланган Концепцияга асосан каскад усулида ўтказиладиган ўқув-услубий семинарларнинг мазмун-моҳияти ва улардан кўзланган натижалар хусусида маълумот берилди.

 Олий Мажлиснинг Инсон ҳуқуқлари бўйича вакили (омбудсман) Ахборот хизмати