Мониторинг давомида маҳкумларнинг 35 нафари колониянинг дала ишларига, 15 нафари колония ёрдамчи хўжалиги ишларига жалб этилгани маълум бўлди.

Манзил-колонияда бемор маҳкумлар даволаниши учун амбулатория ташкил этилган, бир нафар эркин ёлланган ўрта-махсус тиббий маълумотли фуқаро ишламоқда. Амбулаторияда биринчи тиббий ёрдам кўрсатиш учун дори-дармон ва тиббий воситалар мавжуд бўлиб, яроқлилик муддати ўтган тиббий буюмлар ёки дори-дармонлар аниқланмади.

Муассасада жазо муддатини ўтаётган маҳкумларга оила аъзолари билан қисқа муддатли учрашувлар учун колонияда 1 хона ажратилган.  

Манзил-колония ётоқхонаси Ўзбекистон Республикаси Жиноят-ижроия кодексининг 84-моддаси 2-қисми белгиланган тўрт ярим квадрат метрдан камроқни ташкил этади (50 та маҳкум 225 квадрат метрни ташкил этувчи битта ётоқхонага жойлаштирилган). Шу боис, колония бошлиғига маҳкумларга белгиланган норма талаблари асосида ётоқхона ажратиш тавсия этилди.

Мониторинг давомида, колониядаги умумий овқатланиш ошхонаси жорий таъмирлангани, ювиниш хоналарининг иссиқ ва совуқ сув билан таъминлангани аниқланди.

Бундан ташқари 2022 йилда манзил колониясида ишлаб чиқариш ҳисобида 20 бош она қўй ва 25 бош қўзилар парваришлаб келинмоқда, ушбу қўйларни парвариш ва боқиш учун 1 та маҳкум бириктирилиб доимий иш билан таъминланган.

Олий Мажлиснинг Инсон ҳуқуқлари бўйича вакили (омбудсман) Ахборот хизмати