Тадбирнинг 1-босқичида Вилоят Соғлиқни сақлаш бошқармаси томонидан махсус ускуналар билан жиҳозланган  2 та автобус ва 6 хил турдаги кўчма тиббий ускуналар жазони ижро этиш манзил-колониясига олиб келинди. 16 нафар тажрибали тиббий ходимлар соат 09:00 дан бошлаб 218 нафар маҳкум ва маҳкумаларни 14 хил турдаги тиббий кўрикдан ўтказишди.

Бундан ташқари, тадбирнинг 2-босқичда Омбудсманнинг Самарқанд вилоятидаги минтақавий вакили, вилоят ҳокимининг ўринбосари – оила ва хотин-қизлар бошқармаси, 37-сонли жазони ижро этиш манзил-колонияси раҳбари, вилоят ИИБ,  вилояти Бандлик Бош бошқармаси ва вилоят Соғлиқни сақлаш бошқармаси иштирокида 120 нафар маҳкум ва маҳкумалар билан жамоавий учрашувлар ўтказилди. Унда Ўзбекистон Республикаси Президентининг 2021 йил 26 июндаги “Қийноққа солиш ҳолатларини аниқлаш ва уларнинг олдини олиш тизимини такомиллаштиришга доир қўшимча чора-тадбирлар тўғрисида”ги қарори, 2021 йил 10 сентябрдаги “Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) фаолиятини такомиллаштириш чора-тадбирлари тўғрисида”ги ва 2022 йил 1 мартдаги “Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида”ги Фармонларининг мазмун-моҳияти ҳақида тушунтириш берилди.

Тадбирнинг сўнгги босқичи сифатида Омбудсманнинг Самарқанд вилоятидаги минтақавий вакили ҳамда вилоят ҳокимининг ўринбосари – оила ва хотин-қизлар бошқармаси бошлиғи биргаликда маҳкум ва маҳкумаларнинг  мурожаатларини қабул қилишди. Сайёр қабулда 24 нафар шахсларнинг мурожаатлари олинган бўлса, уларнинг 10 нафарига жойида ҳуқуқий тушунтириш берилди, қолган 14 та мурожаат ўрганиш ва чора кўриш учун олиб кетилди.

Омбудсманнинг минтақавий вакили 37-сонли Манзил-колониясида  раҳбариятига ҳудудда аёлларни кўплигини ҳисобга олиб “Оналар боғи” ташкил этиш бўйича тавсия берди.

Олий Мажлиснинг Инсон ҳуқуқлари бўйича вакили (Омбудсман) Ахборот хизмати