Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Қорақалпоғистондаги воқеаларни ўрганиш бўйича тузилган комиссия фаолиятига оид расмий баёнот
Аввал хабар берганимиздек, жорий йил июль ойида Қорақалпоғистон Республикасида юз берган ҳолат ва воқеаларни ўрганиш ҳамда улар юзасидан мустақил текширув ўтказиш бўйича Парламент комиссияси тузилиб, унга раҳбарлик қилиш Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) Ф.Эшматова зиммасига юклатилди.

Олий Мажлис палаталари Кенгашларининг қарори билан Комиссия таркиби ва Комиссия тўғрисидаги низом ҳам тасдиқланди.

Комиссия аъзолари 2022 йилнинг 16 июль куни Қорақалпоғистон Республикасида юз берган ҳолатларни жойига чиққан ҳолда ўрганиш, инсон ҳуқуқлари, эркинликлари ва қонуний манфаатларини бузиш билан боғлиқ ҳолатларни аниқлаш мақсадида Қорақалпоғистонда иш бошлаши маълум қилинади.

Ўтказилган текширув натижалари эълон қилинади ва Ўзбекистон жамоатчилиги ва жаҳон ҳамжамиятига етказилади.

 

Олий Мажлисининг Инсон ҳуқуқлари бўйича вакили (омбудсман) Ахборот хизмати