Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Омбудсманнинг Қашқадарёдаги минтақавий вакили пенитенциар муассасаларда сайёр қабул ташкил этмоқда. Маҳкумлар қандай масалаларда мурожаат қилишди?
2022 йилнинг 17 августида Ўзбекистон Республикаси Олий Мажлисининг Инсон ҳуқуқлари бўйича вакилининг (омбудсманнинг) Қашқадарё вилоятидаги минтақавий вакили Муродулла Нормурадов Қарши шаҳридаги 5-сон тергов ҳибсхонаси ва 2-3-сонли жазони ижро этиш муассасаларида сайёр қабуллар ташкил этди.

Сайёр қабулда 20 нафар маҳкум ва маҳбуслар мурожаат қилган бўлса, шундан 8 таси минтақавий вакил томонидан назоратга олинди. Жумладан, 2 нафар маҳбус суд жараёнларида Омбудсман минтақавий вакилининг кузатувчи сифатида иштирок этишини сўраб мурожаат қилишди.

Қолган мурожаатлари бўйича фуқароларга ҳуқуқий тушунтиришлар берилди.

Шу куннинг ўзида “Омбудсман қутиси” орқали минтақавий вакилга юборилган озодликдан маҳрум қилиш тариқасидаги жазонинг белгиланган қисмини ўтаб бўлган маҳкумларга инсонпарварлик далолатномасини қўллаш бўйича мурожаатлар жазони ижро этиш муассаса раҳбарлари билан биргаликда кўриб чиқилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати