Мазкур ҳамкорлик доирасида Сирдарё тумани Халқ қабулхонасида ўтказилган фуқаролар қабулига келган “Илғор” МФЙ, Боғичаман кўчасида яшовчи фуқаро Н.Д.нинг мурожаати ижобий ҳал этилди. У асматик касаллигидан даволаниш учун йўлланма олиш бўйича ёрдам сўраган эди. Омбудсманнинг Сирдарё вилоятидаги минтақавий вакили Шуҳрат Алимовнинг тегишли ташкилотларга қилган мурожаатидан сўнг фуқарога йўлланма берилди.

Шунингдек, Сирдарё тумани, Элобод МФЙ яшовчи фуқаро С.О. истеъмол қилинган электр энергияси учун ҳисобланган қарздорликдан норозилиги бўйича мурожаат қилган. Мурожаат туман электр тармоқлари корхонаси билан ўрганилганда фуқаро мурожаати асосли деб топилиб, унинг қарздорлиги бартараф этилди.

Олий Мажлисининг Инсон ҳуқуқлари бўйича вакили (Омбудсман) Ахборот хизмати