Қайд этиш лозимки, Омбудсман институти 1995 йилда МДҲ давлатлари орасидан Ўзбекистонда биринчилардан бўлиб жорий этилган. Мазкур институт ҳозирда Халқаро Омбудсман институти, Европа Омбудсманлари институти, Осиё Омбудсманлари Ассоциацияси, Туркий тилли давлатлар Омбудсманлари ҳамда Инсон ҳуқуқлари бўйича миллий институтлар Ассоциацияси ва Евроосиё Омбудсманлари Альянси каби халқаро ташкилотларнинг тўла қонли аъзоси ҳисобланади.