Mazkur murojaatlar qonunchilikda belgilangan tartibda har tomonlama o‘rganilishi maqsadida, ular Ombudsmanning mintaqaviy vakili O‘tkir Jo‘rayev tomonidan fuqarolarning bevosita ishtirokida barcha zaruriy hujjatlar bilan o‘rganilgan.

Aniqlanishicha, fuqaro S.Z., t.Q., Sh.A. va R.M.larning mehnat faoliyati davomida maʼlum bir ishlash davridagi ish haqi to‘g‘risidagi maʼlumotlar arxivda saqlab qolinmaganligi sababli, pensiya tayinlanishida ish stajiga qo‘shib hisoblanishi rad etilgan.

Ombudsman tomonidan fuqaro S.Z., t.Q., Sh.A. va R.M.larning shikoyatlari asosida maʼmuriy ishlar bo‘yicha Jizzax tumanlararo sudiga daʼvo arizalari kiritildi.

Maʼmuriy ishlari bo‘yicha Jizzax tumanlararo sudining 2022 yil 23 iyundagi hal qiluv qarorlari bilan arizalar qanoatlantirilib, S.Z., t.Q., Sh.A. va R.M.larning pensiyasi hisoblab chiqilishida maʼlum davrdagi ish stajlari qo‘shib chiqilishi majburiyati Jizzax shahar pensiya bo‘linmasiga yuklatilgan.

Sud tomonidan huquqni tiklanishi natijasida fuqarolar S.Z., T.Q., Sh.A. va R.M.larning pensiya miqdorining oshishi kafolatlandi.

Eslatib o‘tish joizki, arizalar Ombudsman tomonidan kiritilganligi uchun fuqarolar davlat boji to‘lashdan ozod etilgan.

Oliy Majlisning Inson huquqlari bo‘yicha vakili (Ombudsman) Axborot xizmati