Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Mahkumlarning huquqlarini taʼminlash hamda qiynoqqa solish holatlarini oldini olish bo‘yicha Navoiy viloyatidagi jazoni ijro etish muassasalari xodimlari uchun targ‘ibot tadbiri o‘tkazildi
2022 yilning 15 iyul kuni O‘zbekiston Respublikasi Oliy Majlisining Inson huquqlari bo‘yicha vakilining (ombudsmanning) Navoiy viloyatidagi mintaqaviy vakili Shuxrat Djurayev tashabbusi bilan O‘zbekiston Respublikasi Ichki ishlar vazirligi huzuridagi jazoni ijro etish departamenti, beshinchi mintaqaviy hudud mintaqaviy muvofiqlashtirish markazida, Navoiy viloyatidagi 4,5,11,12,36 jazoni ijro etish muassasalarining 248 nafar xodimlari ishtirokida gibrid shakldagi targ‘ibot tadbiri o‘tkazildi.

Tadbirda so‘z olgan Ombudsmanning Navoiy viloyatidagi mintaqaviy vakili ishtirokchilarga Ombudsman va uning mintaqaviy vakillarining asosiy faoliyat yo‘nalishlari vazifalariga to‘xtaldi.

Shuningdek, tadbir ishtirokchilari qiynoqqa solish holatlarini aniqlash va ularning oldini olish tizimini xalqaro huquqning inson huquqlari sohasida umumeʼtirof etilgan prinsiplari va normalari, mahkumlarning murojaatlari muassasa maʼmuriyati tomonidan ko‘zdan kechirilmasligi va uni qabul qiluvchiga zudlik bilan yuborishini qatʼiy taʼminlash, qiynoqqa solingan shaxslarga ijtimoiy, huquqiy, psixologik va tibbiy yordam ko‘rsatilishini hamda ularga yetkazilgan zararning kompensatsiya qilinishi, qiynoqqa solishning oldini olish bo‘yicha monitoring tashriflarida eʼtibor qaratiladigan jihatlari bilan tanishtirildi.

Uchrashuvda ishtirokchilar tomonidan berilgan savollarga batafsil javob berildi.

Oliy Majlisning Inson huquqlari bo‘yicha vakili (ombudsman) Axborot xizmati