Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Sirdaryoda navbatdagi fuqarolar sayyor qabuli tashkil etildi
2022 yil 31 may kuni Sirdaryo viloyati Yangiyer shahrida, O‘zbekiston Respublikasi Oliy Majlisining Inson huquqlari bo‘yicha vakilining (Ombudsmanning) Sirdaryo viloyatidagi Mintaqaviy vakili Shuhrat Alimov, O‘zbekiston kasaba uyushmalari Federatsiyasining Sirdaryo viloyat Kengashi mehnat huquqi inspektori Shirinxon Umaraliyeva hamda Yangiyer shahar xalq qabulxonasi yetakchi mutaxassisi Abduvosit Baxromovlar Yangiyer shahar xalq qabulxonasi binosida fuqarolar sayyor qabulini tashkil etishdi.

Sayyor qabul davomida shahar xududida yashovchi 9 nafar fuqaro qabul qilinib, shundan 4 nafariga huquqiy tushuntirish berildi, 3 nafarining murojaatlari joyida hal etildi, shuningdek, 2 nafar fuqaroning murojaati mintaqaviy vakil nazoratiga olindi.

Jumladan, Yangiyer shahar, “Fazilat” MFYda yashovchi fuqaro Z.E. xonadonida ko‘p kishi yashayotganligini inobatga olib, uy-joy qurishi uchun tegishli bankdan imtiyozli kreditlar olish masalasida amaliy yordam berilishini so‘radi. Qabul davomida ATQishloqqurilish bank”ning Yangiyer shahar filiali xodimi jalb qilinib, ushbu fuqaroga kredit ajratish masalasida huquqiy tushunchalar berildi va taqdim etishi kerak hujjatlarni tayyorlash va taqdim etish tushuntirildi.

Shuningdek, sayyor qabulda fuqarolardan vizani rasmiylashtirish, uy-joy, bandlik, moddiy yordam olish kabi masalalarda murojaatlar kelib tushdi.

Oliy Majlisning Inson huquqlari bo‘yicha vakili (ombudsman) Axborot xizmati