Uchrashuvda USAIDning “Sud tizimini mustahkamlash” dasturining maqsad va vazifalari hamda uni O‘zbekistonda amalga oshirish bo‘yicha Ombudsman instituti bilan hamkorlikda ishlash masalalari muhokama etildi.
Qayd etish lozimki, USAIDning “Sud tizimini mustahkamlash” (JSSA) loyihasining maqsadi - oddiy insonlarni sudga oson va qulay, byurakratik to‘siqlarsiz murojaat qilishlariga ko‘maklashish va ularni sud jarayonining cho‘zilishi bilan bog‘liq shikoyatlarini o‘rganish, sudyalar malakasini oshirish hamda sudlarga jamoatchilik ishonchini oshirishdan iborat.
O‘zaro muloqot davomida aholining huquqiy savodxonligini oshirish, xorijiy davlatlar bilan o‘zaro tajriba almashish, sud-huquq tizimiga oid seminar-treninglar tashkil etish bo‘yicha loyihalar muhokama etildi.
Oliy Majlisning Inson huquqlari bo‘yicha vakili (ombudsman) Matbuot xizmati
